Psa 101 | Vulgate_HebPs | STEP | oratio pauperis quando sollicitus fuerit et coram Domino fuderit eloquium suum

Psalms 101

1 oratio pauperis quando sollicitus fuerit et coram Domino fuderit eloquium suum 2 Domine audi orationem meam et clamor meus ad te veniat 3 ne abscondas faciem tuam a me in die tribulationis meae inclina ad me aurem tuam in quacumque die invocavero velociter exaudi me 4 quoniam consumpti sunt sicut fumus dies mei et ossa mea quasi frixa contabuerunt 5 percussum est quasi faenum et arefactum est cor meum quia oblitus sum comedere panem meum 6 a voce gemitus mei adhesit os meum carni meae 7 adsimilatus sum pelicano deserti factus sum quasi bubo solitudinum 8 vigilavi et fui sicut avis solitaria super tectum [ (Psalms 101:9) tota die exprobrabant mihi inimici mei exultantes per me iurabant ] [ (Psalms 101:10) quia cinerem sicut panem comedi et potum meum cum fletu miscui ] [ (Psalms 101:11) a facie indignationis et irae tuae quia elevasti me et adlisisti me ] [ (Psalms 101:12) dies mei quasi umbra inclinati sunt et ego quasi faenum arui ] [ (Psalms 101:13) tu autem Domine in aeternum permanes memoriale tuum in generatione et generatione ] [ (Psalms 101:14) tu suscitans misereberis Sion quia tempus est ut miserearis eius quoniam venit tempus quoniam venit pactum ] [ (Psalms 101:15) quoniam placitos fecerunt servi tui lapides eius et pulverem eius miserabilem ] [ (Psalms 101:16) et timebunt gentes nomen Domini et universi reges terrae gloriam tuam ] [ (Psalms 101:17) quia aedificavit Dominus Sion apparuit in gloria sua ] [ (Psalms 101:18) respexit ad orationem vacui et non dispexit orationem eorum ] [ (Psalms 101:19) scribatur hoc in generatione novissima et populus qui creabitur laudabit Dominum ] [ (Psalms 101:20) quoniam prospexit de excelso sanctuario suo Dominus de caelo terram contemplatus est ] [ (Psalms 101:21) ut audiret gemitum vincti ut solveret filios mortis ] [ (Psalms 101:22) ut narretur in Sion nomen Domini et laudatio eius in Hierusalem ] [ (Psalms 101:23) cum congregati fuerint populi simul et regna ut serviant Domino ] [ (Psalms 101:24) adflixit in via fortitudinem meam adbreviavit dies meos ] [ (Psalms 101:25) dicam Deus meus ne rapias me in dimidio dierum meorum in generatione generationum anni tui ] [ (Psalms 101:26) a principio terram fundasti et opus manuum tuarum caeli ] [ (Psalms 101:27) ipsi peribunt tu autem stabis et omnes quasi vestimentum adterentur et quasi pallium mutabis illos et mutabuntur ] [ (Psalms 101:28) tu autem ipse es et anni tui non deficient ] [ (Psalms 101:29) filii servorum tuorum habitabunt et semen eorum ante faciem eorum perseverabit ]